Wipro Jobs Notification 2022 Full Details

 

Wipro Jobs: ఫ్రెషర్లకు విప్రో గుడ్ న్యూస్.. వివిధ ఉద్యోగాల భర్తీకి దరఖాస్తుల ఆహ్వానం..

Wipro Careers: ఖాళీగా ఉన్న పోస్టుల్లో ప్రధానంగా గ్రాడ్యుయేట్ ఇంజనీర్ ట్రైనీ, సర్వీస్ డెస్క్ (Service Desk) అనలిస్ట్ అండ్ డెవలపర్ (Developer) ఉన్నాయి. వివరాల్లోకెళ్తే..

Wipro Jobs: ప్రముఖ ఐటీ సంస్థ విప్రో (Wipro) ఫ్రెషర్లకు (Freshers) గుడ్ న్యూస్ చెప్పింది. వివిధ పోస్టుల భర్తీ కోసం గ్రాడ్యుయేట్ల (Graduates) నుంచి దరఖాస్తులు కోరుతోంది. అర్హత, ఆసక్తిగల అభ్యర్థులు విప్రో అధికారిక వెబ్‌సైట్ https://www.wipro.com/ ద్వారా అభ్యర్థులు దరఖాస్తు చేసుకోవచ్చు. నోయిడా, పుణే, గురుగ్రామ్‌ తదితర ప్రాంతాల్లో ఈ ఉద్యోగ అవకాశాలున్నాయి.

ఖాళీగా ఉన్న పోస్టుల్లో ప్రధానంగా గ్రాడ్యుయేట్ ఇంజనీర్ ట్రైనీ, సర్వీస్ డెస్క్ (Service Desk) అనలిస్ట్ అండ్ డెవలపర్ (Developer) ఉన్నాయి. అయితే దరఖాస్తు చేసుకోవడానికి చివరి తేదీని విప్రో ప్రకటించలేదు. దీంతో అభ్యర్థులు వీలైనంత త్వరగా అప్లయ్‌ చేసుకోవడం ఉత్తమం.

అర్హతలు:
గ్రాడ్యుయేట్ ఇంజనీర్ ట్రైనీ పోస్టులకు సంబంధిత విభాగంలో గ్రాడ్యుయేషన్ డిగ్రీ పూర్తిచేసిన ఫ్రెషర్స్, ఎక్స్‌పీరియన్స్ ఉన్నవారు కూడా దరఖాస్తు చేసుకోవచ్చు. ఏదైనా విభాగంలో గ్రాడ్యుయేట్ డిగ్రీ పూర్తిచేసిన వారు సర్వీస్ డెస్క్ అనలిస్ట్ పోస్టుకు దరఖాస్తు చేసుకోవచ్చు. డెవలపర్ పోస్ట్ కోసం దరఖాస్తు చేసుకోవడానికి అర్హత పొందాలంటే, అభ్యర్థులు తప్పనిసరిగా కంప్యూటర్ సైన్స్ లేదా సంబంధిత గ్రాడ్యుయేట్ డిగ్రీని కలిగి ఉండాలి.

నిర్వహించాల్సిన విధులు:
గ్రాడ్యుయేట్ ఇంజనీర్ ట్రైనీ: ఈ పోస్టులకు ఎంపికైన అభ్యర్థులు కోడింగ్, ఆప్టిమల్ సాఫ్ట్‌వేర్ లేదా మాడ్యూల్ డెవలప్‌మెంట్‌ను నిర్దారించడం. ఇందు కోసం ఎంపికైన అభ్యర్థులు సాఫ్ట్‌వేర్ అవసరాలు, రూపకల్పనను అర్థం చేసుకోవడంలో కీలక పాత్ర పోషించాల్సి ఉంటుంది.

సర్వీస్ డెస్క్ అనలిస్ట్: ఈ పోస్టుల కోసం ఎంపికైన అభ్యర్థులు.. ప్రైమరీ యూజర్లకు మద్దతుగా కస్టమర్ సేవలకు బాధ్యత వహిస్తారు. కాల్స్, పోర్టల్, ఈ-మెయిల్‌, చాట్‌ల రూపంలో క్లయింట్ల నుంచి వచ్చే అన్ని రకాల ప్రశ్నలకు వారు స్పందించాల్సి ఉంటుంది. అలాగే ఈవెంట్‌లు, సమస్యలు- వాటి పరిష్కారాలను కూడా లాగ్‌లలో రికార్డ్ చేయాలి.

డెవలపర్ పోస్ట్: ఈ పోస్టులకు ఎంపికైన అభ్యర్థులు క్లయింట్ చివర్లో అమలు చేయాల్సిన ఆపరేటింగ్ సిస్టమ్‌లు లేదా అప్లికేషన్‌ల కోసం సాఫ్ట్‌వేర్ ప్రోగ్రామ్‌లను డిజైన్ చేయడం, పరీక్షించడం, నిర్వహించడం వంటి బాధ్యతలు నిర్వర్తించాలి.

అప్లయ్‌ చేసుకోవడానికి డైరెక్ట్‌ లింక్‌ ఇదే.. క్లిక్‌ చేయండి: